قالوا عن تجوالهم في سبسطية

Image

 

 

كان تجوال جميل المعلومات مفيدة كتير منها بيقهر ، ضحكنا كتير حكينا كتير تناقشنا كتير ، مجموعة نابلس باصاتنا تأخروا ساعة ونص عملنا حلقة تعرفنا ع بعض لعبنا وضحكنا وحكينا ، حدثنا الجداد عن التجوال وسمعنا آرائهم كانت خاتمة لطيفة كتير ليوم رائع .. 

أوضح فكرة كانت عندي ان حياة القرية حلوة ، الهدوء الرواق الصحة الكويسة الهوا الصحي وبنفس الوقت انها صعبة خاصة بظروف الاحتلال وتقسيم المناطق
لبنى قنديله 

شو بدنا نحكي لنحكي عن التجوال هو اذا نسيت طبعا وجع رجلي بقول انو الاشي كان رائع .. كل تجوال بطلعوا من المجموعة بيكسبنا كثير شغلات ع المستوى الشخصي كثير اعجبت بحالي اني طلعت حافظة تقريبا كل الاغاني اللي كانت بتتغنى مع اني مكنتش بملك هاي المعلومة عن ذاكرتي … غير هيك انا معنديش مشكلة بالكسل وبعمرف منيح اني صعب اقدر امشي مسافات كبيرة او حتى قصيرة ودايما بفضل المواصلات واريح حالي بس شغرت بالفخر والاعتزاز بحالي لما وصلنا وسط البلد واطلعت ع المسافة اللي احنا مشيناها .. جميل جدا قصة انو الكل بيتشارك مع الكل بالمي بالاكل بالحلو وبالسجاير واتبنت بيناتنا مشاعر انو نخاف ع بعض ونستفقد بعض اذا حدا ما اجا ع التجوال ونصور بعض بطريقة وصور جميلة … اكلنا لمون انا وميسا ومي وكانت مشاركة حلوة … بعتقد لازم يحدد عدد المجموعة اللي حتطلع التجوال لانو بدات احس بهاد التجوال انو العدد الكبير حرمنا من شوية امور ف ممكن يصير تحديد اكبر لعدد المشاركين وهاد ما بينفي انو التجوال بمجملة كان حلو .. احبكم لو تعلمون كم
سلوى حماد

كان ممتاز وعشان اكون منصف لازم احكي السلبيات والأيجابيات , السلبيات : البرنامج ما كان واضح في اشياء كانت مفقودة مثل عين المي و الدليل لانو الصبية ماشالله عنها بس لازم كان مرتب اكثر موضوع الدليل , والفريكة هههه ومشينا في مناطق ما استفدنا منها الا التعب والشوب , وراح علينا اشياء مهمة في سبسطية , اما الأيجابيات أنا استفدت من كل ما يهدف اليه التجوال , روح التطوع في المنظمين بتجنن , الشباب يعطيهم العافية ما قصروا بكل شي ,حتى انهم اتذكروا اصحابهم يلي عندهم اعياد ميلاد وصديقهم حسن , الباص والمشاركين ممتازيين , البلد الي رحناها حلوة كثير , اتعرفت على مجموعه بتجنن من الخليل , ومن باقي المحافظات وحكينا في مواضيع مشتركة وحكينا عن تجاربنا بالحياة , بالأضافة الى وجود البطل فخري البرغوثي , بالاضافة الى الطبيعة الحلوة , بأختصار للأمام فلا عذر لمن ادرك الفكرة وتخلى عنها. شكرا للجميع

مهند كراجة 

 

May Marei بتفق مع مهند بالسلبيات، والتعب الزايد بالتجوال، لأنو في تعب حلو،، معقول،، بس في تعب بكون زايد عن اللزوم ومش محبب. تانيا سبسطيه حلوه كتير، مع اني من الشمال بس ولا مره صحلي اروحها قبل هيك. كنت كتير سعيدة بأهميتها المدفونه! أدركت قديش ببلادنا لسا في كنوز مخبية،، وحبيت انو احنا كـ “تجوال سفر” والملتقى، عم نوعى على هالكنوز هاي  ،، وتالتا،، مبارح كان في طاقه ايجابيه خرافيه بالمجموعه،، ابدعتوا !! وبدّعتوا،، ومن شروط التجوال الااخر،، انو تحفظو كل الاغاني الفلاحية وزفات العروس والاغاني الوطنية، واالهابطة ع سبيل التنويع،، عشان نعرف نكمل اغنية وحده بس هههههه ،،

 مي مرعي

Categories: قالوا عن تجوالهم | Leave a comment

Post navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create a free website or blog at WordPress.com.

%d bloggers like this: