مع التجوال – محمد سمارة

رحلتي مع تجوال بدت من تجوال اللبن الشرقية من كم شهر يعني .. صديقتي بيسان رمضان خبرتني انو في تجوال , و انا ما عندي كان اي فكرة شو هو التجوال … كان في شغل وكان في تعب يومها , انبسطت و تعرفت على ناس جداد . و صاروا بعديها  اعز اصحاب الي , التجوال بخليني اعيش على طبيعتي , انسى هم شغل وهم دنيا , واتحد مع الطبيعة ببساطتها وجمالها ,,, بتنفس هوا نضيف , علاقتي في ارضي وبلدي بتقوى , بسمع حكي الختايرة , وبستمتع بقصصهم وبرجع للزمان الحلو اللي كانو عايشينو … التجوال عالم رائع …. بناسو ومغامراتو ومعناه السامي …. قصص التجوال وذكرياتو راح يكون الها مكانة كبيرة في قلبي وروحي …راح احملها واحكيها للناس و لولادي في المستقبل ولاحفادي يمكن … … و بعيد وبحكي … انو اللي بحكيلي شباب فلسطين ضايع .. بحكيلو انتا غلطان لانك ما بتعرف شو هم شباب فلسطين  ازا بدك تعرف شو هم شوف شباب تجوال سفر و بتعرف انو فلسطين مش بس بخير لا فلسطين حرة في قلوب هالشباب اليي موجودين ومثبتين الوجود على هالارض بتجوالهم وبصدى ضحكاتهم ولمساتهم اللي بتركوها في الاماكن اللي بزوروها … و نظرة التفاؤل و الامل اللي بنتركها في عيون الختيارية لما يحكولنا قصصهم ويعرفوا انو احنا شباب فلسطين اللي مش ضايع ولا راح يضيع

ولسة فينا خير 🙂  .. انا فخور اني اكون واحد من شباب  تجوال سفر

 مع حبي

محمد سمارة