تاملات من الافطار الجماعي

الثلاثاء ٢٣-٨-٢٠١٣ 

الافطار الجماعي في الملتقى 

مي مرعي – جنين
باختصار شديد.. لاني نعسانه.. كل مره بشوفكم فيها وبسمع ضحكاتكم وبشوف ابتساماتكم وزناخاتكم.. بحس انو لسا فعلا في بالحياه اشي بستحق ان نعيش عشانو
ميس العرقسوسي – الاردن
فكرت انه ليش ما انعزمت!!
شذى خليلي – رام الله
نقلاً عن جروب (امسية رمضانية) الخاصة بالافطار:
يسعدلي مساكم
اكتبو هون تأملاتكم شو شفتو شو سمعتو شو شميتو شو أكلتو شو كلشي و ما تنسو صور الأفراد عالجروب و صور الأماكن الأثرية والغير أثرية حطوها وين ما بدكم ،، حب و حنان سامر
طبعا كل اللي فوق مزح بس بحاول أقلد سامر بعد كل تجوال …
شكرا على كل اشي ، بالنسبة لالي كان تحدي و تجربة جميلة جدا ،، شكرا لكل حدا اجا وانبسط ولكل شجاع أنقذ موقف صار ..
الله لا يحرمنا من بعض و من لماتنا و من صندوق الملتقى اللي لارم ندحشه دحش . ويخلف على اللي نgط واللي ما نgط واللي لسه بدو ينgط بس يقبض
رمضان كريم و كل سنة وانتو سالمين
منى محمد – القدس 
 مهما احكي ما راح اقدر اعبر احيانا لغتنا بتخونا … بختصار الله يعطيكم الف عافيه وصحه كان يوم اكثر اكثر من رائع والأكل كان بنكهه خاصه بوجودكم احبابي اصحاب الارواح الجميله ….. ينعاد علينا وعليكم يا رب … وبحبكم كلكم
فلسطين صلاح – الخضر 
انا بقرأ عن نشاطكم ونفسي اشاركم فيهم بس للاسف برمضان صعب ، علاقتكم حلوة و روحكم احلى .. تقبلو مروري
ربى مهنا – بيرزيت
يما شو تعبانييييين ونعسانين حاسه كاني واقعه عن طابق 4 هههههههههههههه
كان يوم رائع مش قادره افكر ف رح اجاوب عالاسئله يلي فوق اولها المسخن ان شاء الله تكونو حبيتو من تحت ايدين ماما
عملنا السلطه انا وميسم و Islam Sirafy اسلام رااائع لانو مازهق وضلو للاخر لحتى خلصنا يسلمو ايديك وميسم يسلمو ايديكي
الفلم رااااااااااائع Ahmed Sharif مبدع
الفطور زاكيييييي والجمعه والمكان والروح يلي كانت موجوده بتخليك تضحك من قلبك
شو تزكرت وشو فكرت ,,,, والشباب بلعبو تركس واحنا الصبايا بنتفرج وكل شوي بييجي حد من الاصدقاء عالملتقى بقولهم تخيلو ييجي حسن مش عارفه كيف اجت ببالي هالفكره بس ياريت لو كانت حقيقه مش بس امنيه واحلا شي لما حكينا مع حسن وغنينالو مساك بالخير واحنا توينا جينا
سندس زرعنا الدالية وياريتك لو كنتي معنا بالفطور
تجوال سفر عيلتنا الصغيره
خضر نجم – القدس
 تجوال سفر لقاء للروح الفلسطينيه الكنعانيه المتفرقه جمعنا هدف التعرف علي بعض والتجوال بلارض المقدسه بلاحدودوبلاشروط بس باحترام واخلاق عاليه* الافطار كسر وتقريب لشله اصحاب واصدقاء مميزين ومقدسين* جبت معي خارطه فلسطين وهي معلقه علي الباب وجبت فوط للمطبخ وشي زاكي جداااا بس اختفي بلمح البصر !!!!!! شكرا لكل ال 61 روح وقلب وعقل متجوله بفضاءءءء فلسطين التاريخيه مش فلسطين عفاش194# ولافلسطين اوسلوااااااااا*
وحيد ابو شهاب – نابلس 
كان يوم رائع بصحبتكم وكم تمنيت ان تطول سهرتي معكم

رند خضير – رام الله 

يعطيكم العافية ع امبارح، حسيت الجو اللي صار ما في كلمات بتعبر عنه، من اول ما الناس بدت توصل لروحت في طاقة رهيبة، وبطلع كل حدا بعمل اشي اللي بساعد وبرتب المكان برن ع حسن بحضروا لكياس، بكتبوا ع الباب وين لفطور، مجموعة بوثقو، بجهزوا للفلم،بغنو بدون ما حدا يحكي ولا في شخص بعطي اوامر كأنو في خيط بينكم سحري! وعادة الاكل الجماعي لانو كتير ما بكون زاكي بس كان بشهي. كلشي كان رائع جد، انبسطنا كتير وكان اول مرة بلتقي في كتير منكم، ويمكن هذه المرة زي كل مرة لانو في صدق من جوا (وهذا لمفقود في كتير محلات).
ويخلف علي نفط واللي ما نقط:)
ساندي سليمان – بيرزيت
 ما في شي ينقال في البارح .. البارح محى كل الكلام .. البارح اثبت انه الملتقى هو مش مجرد مكان .. هو حياة لكل واحد فينا .. هو لما خطواتنا بتلتقي .. هو كل شي صادق منعيشه مع بعضنا .. هو المكان يلي منحبه وبحبنا .. ومنحب بعض فيه .. ومتل ما بقول سامر (حب وحنان )

سندس حماد – رام الله

ما أروعكم و كان من نفسي اكون معكم، لكن ماقدرت للاسف و متاكدة انه راحت علي، بس وييين بنعيدها رمضان الجاي و حسن معنا ان شاء الله
حتى الاذاعة لما اتصلت بعدكم كانت تحكيلي انه قبل شوي اتصلوا صحاب حسن و غنوله و كان اشي كتير حلو، حسن فخور جدا بمعرفتكم و بكونه جزء منكم كما انا فخورة ايضا.
دمتم بحرية
سلوى حماد – فرخة سلفيت
مبارح كان اجمل يوم رمضاني بحياتي … طبختلكم صينية دجاج بالفرن اللي جنبا انا ولينا السعافين ورحنا ع الحسبة تسوقنا وقعدنا بالمكتب نشتغل بالزبط مثل ستات البيوت وعملت كمان فتوش كثير انبسطت لما لقيت تقريبا الاكل اللي عملتوا خلص يعني بعرف اني بعرف اطبخ منيح بس كان جميل جدا المشاركة بالاكل مع الكل وتعجبوا بطبخي ، شوفة الصحاب والصاحبات اشي رائع .. ومجدي مع انو بيقاهرني بس بعرف منيح انو بحبو جدا وهو كمان بيقاهرني بس هيك من ورا قلبو … اللعبة اللي بالاخر اللي راحت عليكم كلكلم كانت رائعة وحارث تسلق السور بالزبط مثل البسة هههه حلو لما اشوف الملتقى كيف بيجمعنا وبيعمل بينا تناغم رائع وبحبكم جدا كلكم

سيف الشريف

 خير الكلام لما نبدا بالسلام…
وانثني بالصلاة على خير الانام
امبارح كان اكبر من كل الكلام .. .
عززتم فينا التشارك والاحترام..
جددنا العزيمة للتقدم للامام.. .
فجركم طالع من قلب الظلام…
يمكن كلامي دون وزن او نظام..
لكن شوفتكم خلتني ابو تمام..
بشوفتكم شفي قلبي وهام..
وخير الكلام برضه ننهي بالسلام..
بحبكم كلكم وكلي شوق لشوفتكم بتجوال فرخه
Categories: تأملات | Leave a comment

Post navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

%d bloggers like this: