قالوا عن جولة يافا

صفوت برقان 

 رغم العقبات إلا انه كان تجوال مميز وافطار جميل … والله يلعن الاحتلال الي كان سبب المشاكل !

سلوى حماد 

صباح جميل بعد الانتعاش بالبحر والجو الجميل وسحر المدينة القديمة بيافا ..هاي البلد النا وبدنا نحكي عربي بصوت عالي وبدنا نقاهرهم إحنا اليوم ببحرنا هاي كانت الجُمل اللي بتدور براسي صح همي احتلوا بحرنا واحنا بنقدرش نروحة غير بالصدفة والحظ بس انا متأكدة انو ولا واحد فيهم بيكون جواه السحر اللي بيكون جوانا والمشاعر اللي بتتملكنا لما نكون ع البحر … الكل بيسألني شو عملتي هناك … ماكان وقت كثير نعمل كثير شغلات بس انجنيت ع البحر وصرخت ولعبت بالمي وتأملت الشمس وهي بتنزل ورا البحر وميّه البحر دخلت في مخي وريحة البحر مستحيل انساها اصلا ولافي احلى من بحرنا بحرنا وبس هو الساحر والرائع والمختلف عن اي بحر في العالم اه اه وجمعت صدف كمان وحطيتوا بغرفتي علشان اضل اتذكر يافا .. وحنرجعلها مرة ثانية ولا اشي حيوقفنا .. ورح اروح دايما وبأي طريقة لانو بجد بحرنا سحرني وخلانو اعشقوا … بعشقك يافا وبحرك يافا

 الاء حمامرة

 اول ما دخلنا يافا كنت مكيفة اانو بحر وشط وغروب هيك مرة وحدة ومن اول مرة! بعدين واحنا نلف في البلد القديمة حسيت بغربة وحسيت حالي دخيلة في بلد المفروض النا, البحر اللي مكيفة عليه, بطلعو يتكزدرو على شطه كل يوم, اخدو بحرنا, واحلى مدنا, وهيهم بعزفو جيتار على شط البحر  جيتااار! , والله اول مرة هيك بحس انهم اخدو ارضنا بهاي القوة, هيك كأنهم مبارح اخدوها .. .

 نوران قريني

 أنا دائماً بتابعكم ع الصفحة، لكن اليوم والحمدلله أول مرة بكون معكم بالتجوال، تجوال اليوم رائع بخلاف العقبات يلي تعرضنالها أول شي، إلا إنه بقية اليوم غطى وما حسينا وبالنسبة إلي أنا من سنة 2000 ما زرت يافا وكان يوم من العمر إلي، وأكيد رفقة طيبة من الجميع وتشرفت بمعرفتكم وإن شاء الله بكون معكم بتجوالات أخرى.  محبّتي

ميساء الشاعر
بعتذر لكل المشاركين عالخلل اللي صار , وبعتقد انو اانا اخطأت بقرار الطلعة عيافا بالباصات الصغيرة ..اظن لو الغينا الرحلة كان احسن, وانا المسؤولة عن جميع الاخطاء , وسامر وتجوال سفر ما بتحملو اي مسؤولية .. شكرا سامر على وجودك ووقوفك حدي بهالازمة.. كنت بتمنى تكون الجولة غير هيك .. بس هاد اللي صار..  وما بدنا نطلق عليه تجوال..لأنو لا يليق بتجوال سفر

سلوى حماد
 ميسا عادي اي تجربة بيكون فيها اخطاء وبجد كثير انبسطنا ويعطيكي العافية واكيد حنعيد تجوال يافا وبتنظيم منك كمان ونكون متفاديين كل العراقيل اللي صارت … انبسطنا كثير ويعطيكي الف عافية .. انا لسا مش قادرة افيق من سحر حيفا

 وحيد أبو شهاب
بالرغم من حزني الشديد لعدم تمكوني من الوصول اليكم وذلك لما عانيته في ست ساعات محاولا الوصول اليكم الا اني سعيد لانكم وصلتم الى ارضنا المحتلة وهذا يزيدني فخرا بكم وفخرا باني لن اياس وساواصل المحاولة حتى اصل يوما الى ارضنا المحتلة رغم انف الاحتلال

 

Categories: Uncategorized | Leave a comment

Post navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

%d bloggers like this: