أقوال المتجولون عن تجوال دير جرير

 تجوال اليوم من اروع التجولات والفكره الجميله يلي شعرت فيها انه المشي بالارض بهاد العدد من الشباب والصبايا الفلسطينيين بيعطيني شعور رائع و اشي بخليني مؤمن انه الجيل هاد وطني قبل كل شي و كثير لفت نظري كلام حسين واحنا على راس الجبل في المكان يلي كان مهدد من المصادره من كلاب المستوطنين حكيه عن اول مجموعه شبابيه فلسطينيه من مناطق الضفه المختلفه بتوصل لهادالمكان فخور بكل شب وصبيه مودتي – محمد العملة

____________________________________

تجول في الأرض تمتلكها … الارض – الحكاية – التاريخ \ تجوال دير جرير \ الطيبة. الأرض: نقف تحت شمسها الحارة (اسمك، بلدك ، نصيحتك) ثم نسير في الأرض نحمل عبق عِطر تُربها .. نصقل انتمائنا ونجدد ارتباطنا بالأرض .. نسير في دربها الوعر ونعتلي جبلها وحادي الركب يُنشد فينا لها .الحكاية : حكايتنا بدأت مُذ التقينا – مُذ تعارفنا- مُذ تشاركنا الطعام – حكايتنا بدأت مع مسيرنا..حكاية تكتمل بحديث المختار واهالي بلده – وحكاية بلد ثُمّ حكاية الاسير عصمت منصور من ذات البلد. التاريخ : يُلاحقنا لأنه لا مفر منه لانتصار قضيتنا – في الجبل كان معنا ، مع فادي وخضر كان معنا. وأخيراً حكى التاريخ كلمته في تجوالنا فكانت طيبة صلاح الدين تفتتح لنا سرَّ حكايتها لتقول: هُنا قبلهم هُنا بعدهم .. – حمزة أسامة العرقباوي

____________________________________

 انا اول مرة بشارك وكان تجوال رائع واروع شي انك تمشي في الارض وتتعرف على ادق تفاصيلها هدا شي بقربك كتير منها وبخليك تحبها اكتر واكتر… وتعرفنا على ناس كتير وثقافات
جديدة  -وعلقت  براسي جملة حمزة عقرباوي تجول في الارض تمتلكها بس هلكتتتت – ندى النتشه
____________________________________
انا مرحتش وواضح انكم كثير كثير مبسوطين وهاد الاشي عاملي ازمة من التحسر والتقهقر واني ضيعت ع حالي يوم من العمر بس لما بطلع ع ستاتوسات الناس اللي عندي ع الفيس بوك  وبشوف قدي مأثر فيهم اليوم بحس بروح التجوال وروعته لما نوصل الدار ونفكر بكل اللي عملناه وانجزناه اليوم بحبكم وزعلانة اني مكنتش معكم بس فخورة فيكم وفي وجودي بالتجوال – سلوى حماد
Categories: تأملات | Leave a comment

Post navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create a free website or blog at WordPress.com.

%d bloggers like this: