تأملات تجوال البرج

تجوال البرج

تقع البرج في أقصى جنوب الضفة الغربية، وهي أقرب غلى غزة منها إلى الخليل، حيث كان أهل البلد قديماً يتحوجون من غزة، هذه البلد التي اشتهرت بالفترة الأخيرة بالطرق الالتفافية للدخول إلى الأراضي المحتلة عام 1948، استضافتنا صديقتنا من هناك مرام سالم، وكان من المفترض أن يكون حازم قواسمي هو كابتن التجوال، لولا اصابة قدمه اصابة خفيفة في أوّل التجوال أخّرته عن المجموعة، نشكر مرام ونشكر حازم، ونشكر مجموعة تجوال سفر في الخليل التي عبّرت عن كرمها وحسن ضيافتها بعمل طبخة ورق دوالي ل120 متجوّل. إليكم التأملات السريعة للمتجولين

احلى اشي بالتجوال انه بنكون بكوكبنا الخاص … مع ناس بنحبهم … بحضن حبيبتنا فلسطين  … قديش بيكون في بحياتنا مشاكل وهموم كله بيختفي… بنمشي عشان ننسى.. المكان بيجنن اشي من الخيال ، كل ما اروح ع هيك مكان بتزكر قديش بلادنا حلوة وقديش احنا محرومين كتير بحبستنا في مكعبات الاسمنت الللي عايشين فيها … ولكم زمان ما شميت هيك هوا زاكي !

بحبكم – أسيل تل

_____________________________

يوجد بفلسطين من استطاع أن يجمع أثر التراب في أقدام عّدة من كل حدب وصوب في بلادي، ثم جمعهم… فاختلطت في بقعة صغيرة من الأرض، صنعت “فلسطين” واحدة ! … هذا انتم يا تجوال سفر! 
شكراً من الأعماق – رائد حموري

_____________________________

بصراحة .. ما بعد التجوال وفي أجمل لحظة لما علق أستاذ صالح مشارقة على صور التجوال بكل محبة وتشجيع حسيت بالفخر بإنه صور التجوال وروح التجوال وصلت رسالة وحركت ذكريات طفولة الأستاذ .. البرج بالنسة إلنا قرية جديدة زرناها وعرفناها وأخدنالها صورة.. بس بالنسبة لناس تانيين جوا إطار هالصورة في روح، في حياة .. في صمود ورسالة كل يوم بتنبعت من خلال جيلنا .. للجيل الي بعدنا والي بعده والي بعده – إيليا غربية

____________________________

التجوال هو روح بيمشي بناتنا يخلي عنا ثقه بأنه ارضنا احلى ارض ! – أحمد شريف

____________________________

هاي المرة الرابعة اللي بطلع فيها بتجوال سفر و كل مرة بحس انه برجع لي جزء من روحي اللي بتفقدني اياها الايام الصعبة…اليوم تذكرت حسن بكل تفاصيله، بالزفة و بالباص و بعجقة الفطور و الغدا و بالترويحة و بالمشي و بالمحاولات لنحكي عالاذاعة و ببيت الشهيد و الخط الاخضر و بابتسامة كل حدا …كان يوم مشحون بالروعة و بالحرية اللي بتخلينا نفكر يوما ما رح نوصل للحرية التي لا مقابل لها – سندس حماد

___________________________

اول تجربه الي بالقياده الي ستمرت نصف ساعه  , سعيد فيكم , حسيت انو عيلتي الي معي كان اهتمام كتير فيي , لدرجة صرت جابب اوقع كل تجوال , انتم اشخاص رائعووون والله . ما في حدا ما سال فيي و ما في حدا ما وقف جنبي , اهل البلد زي ما تعودنا مضيافين كتير و كنت مبسوط انتي بالبرج , البلد طبيعتها ساحره و هدوئها بجنن , شكرا الكم كلكم – حازم القواسمي

___________________________

اول مرة بدي علق على بوست سامر بخصوص التأملات لانو تقريبا صارلي سنة بطلعك التجوالات وغير انو الطبيعة كانت رائعة اشي من الخيال …روح الجماعة الموجودة الي لما تكون لوحدك بتلاقي اكتر من حدا فوق راسك و بحسدك على القعدة مرام سالم شكرا كتير على ضيافتك و حمد الله على سلامتو الكابتن حازم انشالله بترجعلك الراية قريبا في التجوال القادم منشان نعرف نحكم على قيادتك للتجوال و حب و حنان – هبة يوسف

___________________________

السلام عليكم … انا حبيت اكتب واعبرلكو تأملي بالتجوال وعن حبي الو من اول مره بطلع فيها وبشوف شو هو التجوال وبعرف معناه الحقيقي بس تجولت معكو ,,, انا اول ما كان يحكولي عن التجوال وكان يحكولي كتير كلام بس ما كنت افهم معنى الكلام منيح لاني ما كنت اعرف شعورهم وهم بحكو عنو وكنت افكرو شي تافهه بس ببالغو بكل شي واتوقعتو مضيعه للوقت بس اما لما طلعت وشفت بعيني فعلا سدقت انو اشي بصراحه كتير حلو واعطاني شعور وحيويه رائعه … كنت اعرف مناطق حلوه واشوف واحكي ببالي يعني بدو يطلع من المناطق الي رحتها بس بصراحه معكو كان غير لو اي مكان بكون نظرتو غير واحلا بكتير فعلا حبيت بلكي بزياده واكتشفت انو عنا كنز وما وعينا عليه وفعلا بتمتلك الارض انا بعد هاد التجوال زاد حبي لبلدي وبفتخر انو في هيك ناس بتحب فلسطين وبشكر التجوال الي اعطاني ثقه في حال وفي بلدي واخر شي بدي احكي اني بحبك يا فلسطين انتي بالقلب والعقل وانتي الامل وانتي الارض الي بتثمر عسل – نورسان قواسمي

__________________________

حب .. جنون .. وطن ❤ – نور عرار

_________________________

894042_10152233425659626_354293857_o 1015968_10201946366195580_1797292902_o 1926654_10202064507348950_412895062_n 1926109_10152236914314626_1594321476_o 1658644_10152236913624626_2014632048_o 1957658_10201946385956074_1556175272_o 

 

Categories: تأملات | Leave a comment

Post navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create a free website or blog at WordPress.com.

%d bloggers like this: