صديقنا محمد نظمي عقد اجتماع قمة وحضرلنا برنامج ملان تفاصيل، “رح يكون معنا اهل البلد ورئيس المجلس القروي رح نمشي بمسار مشي طويل بيمر من مناطق كلها تاريخية واثرية. وانتو وهمتكم بالمشي، رح نسمع حكايات من الناس عن المواجهات ومن ختايرة البلد عن احداث تاريخية مهمة في نفس المنطقة وبالذات معركة واد سباس اللي وقعت مع القوات الانجليزية. ورح يكون كمان في جلسة مع ختايرة وسط البلد، رح نختتم التجوال في زيارة لبيت الشهيد عصام بدران وسط القرية وبعدها بتتوكلوا على الله”
“طبعا هذا جزء بسيط جدا من الجدول، وهو النقاط الرئيسية المهمة بالنسبة الكم. خبير الطقس اللي عنا متخوف من منخفض يبدأ يوم الخميس فبدكم تنتبهوا للطقس منيح لأنه قريتنا مرتفعة وفيها رياح شرقية قوية، اتمنى انه تكون الزيارة هاي الجمعة ويكون الجو ممتاز ورح تكون من التجوالات التي لا تنسى. الجميع بيرحب فيكم.. أهلا وسهلا بأي وقت”
لا تنسو لبس مريح للمشي، بوط رياضة جامد، وجيبو جرزة طويلة عشان لما تبرد الدنيا، رح نغادر هناك بوقت ابكر من دايماً تقريبا ٤:٠٠ او حسب ما بتشوف المجموعة مناسب. ما تنسوا فطور جماعي صحي مش معلبات مش بضاعة اسرا ئيلية، نامو منيح عشان تكونوا مصحصحين يوم التجوال.
بمناسبة السنة الهجرية كل عام وانتم بخير، ويا رب يحسن الاوضاع في كل فلسطين، الله يرحم الشهداء، والتجوال مستمر، تجول في الأرض تمتلكها.
Advertisements
