مساء الخير، فتحت جوجل بدي صور لجبع عشان اضيفها للاعلان كالعادة، ما لقيت غير اشيا كتير بسيطة وقديمة، او اخبار، هذا مؤشر مهم. مؤسسة رواق عندهم مشروع حلو بيتشغلوه في منطقة جبع، بيركز على ترميم البلد القديمة وإعادة ربطها بمحيطها وتسليط الضوء عليها، وإحنا كمتجولين عادة بناخد صور للمنطقة الي بنزورها وبننشرها على الانترنت وبكل محل، وبنحكي عن قصة هاي البلد للناس، من هون اجا التعاون بينا كمجموعة تجوال، ومؤسسة رواق، وان شاء الله بيستمر التعاون بالاشيا الي فيها فايدة للبلد. تجوالنا ع جبع هو اول تجوال تحت شعار (تجوّل في الأرض وعمرّها) عشان نقدر نعمّر بلدنا بايدينا ونحافظ عليها، في تجوال جبع رح يكون في مسار مشي من جبع للبيرة، وفي هذا المسار بدنا احنا نعمله، هو مش جاهز، بدنا نجهزه ليصير سهل على طلاب مدارس وجامعات ومجموعات شباب متلنا يمشوا فيه، كل واحد رح يعمل الاشيا الي بشوفها مناسبة لتصير الطريق اسهل، الي بيقدر يجيب معاه فاس او طورية بيكون ممتاز، طبعاً هذا اضافة للتعرف على البلد والقعدة مع الختيارية واهل البلد. المهم تيجو بلباس مناسب للشغل، وبوط مريح، وتجيبو فطور جماعي واشيا بتحبوا تبدلوها ع اشيا تانية خاصة الكتب، وكميات منيحة من الحب والحنان والابتسامات. في امكانية للي بحب المنطقة وبحب يتطوع ليفيدها، بنشبكه مع رواق ومع شباب البلد ورح نحكي عن هذا الموضوع اكتر خلال التجوال. تجوال سفر تجوّل في الأرض وعمرّها تجوال سفر

الاصدقاء المتجولين مرحباً

دخلت على جوجل بدي صور لجبع عشان اضيفها للاعلان كالعادة، ما لقيت غير اشيا كتير بسيطة وقديمة، او اخبار، هذا مؤشر مهم.

مؤسسة رواق عندهم مشروع حلو بيتشغلوه في منطقة جبع، بيركز على ترميم البلد القديمة وإعادة ربطها بمحيطها وتسليط الضوء عليها، وإحنا كمتجولين عادة بناخد صور للمنطقة الي بنزورها وبننشرها على الانترنت وبكل محل، وبنحكي عن قصة هاي البلد للناس، من هون اجا التعاون بينا كمجموعة تجوال، ومؤسسة رواق، وان شاء الله بيستمر التعاون بالاشيا الي فيها فايدة للبلد.

تجوالنا ع جبع هو اول تجوال تحت شعار (تجوّل في الأرض وعمرّها) عشان نقدر نعمّر بلدنا بايدينا ونحافظ عليها، في تجوال جبع رح يكون في مسار مشي من جبع للبيرة، وفي هذا المسار بدنا احنا نعمله، هو مش جاهز، بدنا نجهزه ليصير سهل على طلاب مدارس وجامعات ومجموعات شباب متلنا يمشوا فيه، كل واحد رح يعمل الاشيا الي بشوفها مناسبة لتصير الطريق اسهل، الي بيقدر يجيب معاه فاس او طورية بيكون ممتاز، طبعاً هذا اضافة للتعرف على البلد والقعدة مع الختيارية واهل البلد.

المهم تيجو بلباس مناسب للشغل، وبوط مريح، وتجيبو فطور جماعي واشيا بتحبوا تبدلوها ع اشيا تانية خاصة الكتب، وكميات منيحة من الحب والحنان والابتسامات. في امكانية للي بحب المنطقة وبحب يتطوع ليفيدها، بنشبكه مع رواق ومع شباب البلد ورح نحكي عن هذا الموضوع اكتر خلال التجوال.

تجوال سفر
تجوّل في الأرض وعمرّها
تجوال سفر

 

 

 

Advertisements
Categories: Uncategorized | Leave a comment

Post navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create a free website or blog at WordPress.com.

%d bloggers like this: