تجوال أرتاح / طولكرم – تجوال طغت عليه طيبة ابتسامة أهل مستضيفيه وصمود “أبو عدي” :)

 تجوال ارتاح …… كان تجوال رائع بروعة ابتساماتكم ايها المتجولين , خروج عن نطاق الروتين القاتل و خلق روح جديده بحب الوطن و الارض و التعرف على قصص و تجارب اهل المنطقه , شكرا لكل شخص ساهم في هذا التجوال بخلق ابتسامه و رفع معنويات اهل المنطقه , الكلام يعجز عن وصف هذه الروح الشابه التي تتجول في ارض هذا الوطن خالقة حالة , عجز كل صناع القرار في هذه المرحله الانهزاميه من تاريخ الثوره الفلسطينيه من ان يصنعوا جزء من الذي نحاول القيام به من رفع معنويات الشباب لكي نصل في يوم من الايام نكون قد وصلنا لكل شبر من هذا الوطن الجميل بكل معالمه و اهله البسطاء الطيبين .

 تامر كحله 

****

 كل تجوال بيعلمنا شي جديد..عن ناسنا ووجعهم..عن وطننا وسحره..والاهم عن حالنا ورؤيتنا لانفسنا وللاخر..احلى شي انك تشعر انك بتختار اصدقاءك من شريحة مش تقليدية ولا مفروضة عليك ..وانما لانك بتلتقي معهم بكل بساطة فكريا ..بتحب الوقت اللي بتقضيه معهم ..مع كل زناخاتهم..وهبلهم..وتخويتاتهم..ونهفاتهم..لانك بتحبهم لالهم مو لمصلحة ولا لتحيز…

 ثائرة بليبلة 

****

 تجربه اللي عشتها اليوم اجمل تجربة مرية فيها انك تكون مع اشخاص موهبين و ملهمين ايشي جدا رائع وانك تعيش الواقع مع ناس هم الهم القدره ع تطويره و جعله ايشي يستهل و الاستمتاع في ملاحظات و شرح و تلعيق جد كان ايشي رائع الافكار يلي روادتني انو في اشياء في هل دنيا انا ما بعرفها ولازم اعرفها من هل مشوار تعلمت صمود الاصرار و في جماعه قوه اما الاشياء الفتت انتباهي قوة علاقتكم في بعض قوة الفريق المجتمع الموجود في طولكرم يلي بعاني من مشاكل كتيره و صامد من المناطق الموجوده فيها ائديش هي غنيه ائديش احنا لازم نستغلها انا اليوم اكتسبت ايشي معنوي كبير انا اليوم صار عندي حافز اني انمي مواهبي متلكم متل سلوى جرادات جد انها ناطقه اعلاميه من درجه اولا وسلوى حماد دكتوره في شرح وسامر الشريف القيادي من درجه الاول وطبعا وباقي الفريق انتو جد روووعه وشكرا كتيييير الكم يا مبدعين

 محمد سيوري 

****

 تجوال اليوم كان حلو كتير وتجربه جديده …ومعرفه جديده … وناس جداد…ومعاناه جديده خصوصا ابو عدي وصموده ، كل التحيه والاحترام له ولعائلته ورسالته على ارضه واكيد في كتير ابو عدي في مناطق هالوطن الحزين … كمان تعرفنا على بنات يعقوب ….. وكانت عن جد حلوه ولطيفه بوجود الكل ونهفاتهم واهم شي المحبه ويا رب على طول

 منال نمر 

****

!! كتير حلو نعرف انو في مزرعة عضوية بفلسطين

مرح 

****

 عود بخور . ودخان يملأ الهواء الملئ بالاشياء , أحجار مدببة , صلاة على الرمل , هدوء في أعلى الجبل , طائر يحلق بجناحيه قرب رأسي , فالنظرة من الأعلى تختلف عن النظر الى السماء , أنتظار للاشخاص والوقت ينتظر معنا بصمت , حديث عن المعنى والدلالات الكثيرة , صمود في أرض التوت الحزين , أشخاص يحفرون الوطن في عملهم ويرسمونه في صمودهم , كتاب تحت شجرة ويستظل بظلها , عدسات تتبادل الضور , ووجوه سعيدة .

 جيفارا سامر 

*****

 بداية حاب اشكر كل من ساهم في اختيار المنطئه (طولكرم) ايضاً شكر خاص لأخونا سامر الشريف … في البدايه توقعت انو طولكرم متل اياتا منطئه ويمكن لانو هاد المرّة الاولى لإلي بدخل طولكرم بس خلال تجوالنا اكتشفت انو المنطئه رائعه ولفت انتباهي في بداية وصولنا طولكرم انو سكانها ناس هادئين جدا كمان شي ما حسيت حالي بمكان تاني حسيت انو هاد الارض انا بنتمي لإلها .. التجوال كان اكتر من رائع وكل المتجولين رائعين استفدنا واتعلمنا واستكشفنا اماكن لاول مرة مندخلها وتعرفنا ع اشخاص رائعين والمحبه والاحترام والتعاون كان مرافئ المتجولين …بالنهاية لا يسعني الا ان اتقدم بالشكر لطاقم تجوال سفر ..

معتز عجلوني 

***

Categories: تأملات | Leave a comment

Post navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

%d bloggers like this: